《同盟》再演反骨仔！敖嘉年奸到冇朋友

藝人敖嘉年多年前在劇集《巾幗梟雄》中飾演衰仔必文而人氣急升，最近他在《同盟》中再演最拿手的反骨仔，飾演鮑起靜姨甥仔，可謂壞事做盡，勾義嫂、運軍火、出賣兄弟，今集更狼相盡現！

劇情講到敖嘉年聯同台灣小混混出計引鮑起靜、胡定欣及陳展鵬等人到台灣，令他們身陷險境被黑幫追殺，鮑起靜因此中槍受傷，今集敖嘉年險被胡定欣識破，但他無賴地向鮑起靜跪地求饒，鮑起靜心軟原諒了他。不過敖嘉年其後殺死自己友姚兵，被展鵬拍下，眼見冇得再抵賴，敖嘉年竟反面持槍脅持鮑起靜，幸好展鵬已掹走子彈，嘉年死心不息飛撲再搵槍，關鍵時刻展鵬一槍射死嘉年！嘉年今集表現勁搶鏡，衰仔樣令人咬牙切齒，令觀眾又愛又恨！有網友留言讚他：「唔做奸仔嘥晒！」演技出眾！

另外，飾演姚子羚兄長的黃長興及楊證樺為救子羚被黑幫亂槍掃射而死，子羚爆發演技，喊得聲嘶力竭！