克勤公開與鄺美雲關係：家姐真係冇得頂

20170905
  • 東網電視
    更多新聞短片
    鄺美雲戴上20卡巨鑽耳環為克勤擔任個唱嘉賓。
    歌手李克勤昨晚舉行第2場演唱會，老闆楊受成、好友容祖兒、容媽媽、蔡少芬、蔡一傑、陳百祥、黃杏秀和太太盧淑儀（Emily）均現身打氣。
    克勤依然以利是封造型迎接嘉賓，全紅裝束好搶眼！他先以一曲《沒有你 贏了世界又如何》歡迎第一位嘉賓鄺美雲（Cally）上台，並大讚：「嘩！仲係好靚女，靚過晒依家啲港姐！」Cally以全黑長裙現身，襯一對超過20卡的巨鑽耳環，閃爆全場，克勤即說：「嘩，好閃呀！」
    Cally好到咩都送
    原來好多人也不知Cally是克勤的「家姐」，二人於1985年結緣，克勤在《十九區業餘歌唱比賽》中奪冠，當時正是Cally擔任司儀，克勤入行後，Cally經常「塞錢入佢袋」，指導提點，看到他皮膚不好又會送護膚品，克勤笑言：「總之咩都送，係爭在未送樓。」
    Cally自嘲是「大鄉里」，未試過舞台上台用耳機，克勤細心為她整理耳機並笑謂，並提議Cally可連耳機也釀鑽。做珠寶生意的Cally表示可送一個這樣的耳機給克勤，克勤即食住上：「好呀！梗係要啦！結婚時你乜都送，呢個家姐真係冇得頂！」
    克勤反問為何Cally拍了短片支持他個唱，不明最後導演說要刪掉，Cally解釋是自己叫刪的：「係有原因嘅，我個花名叫『鄺左面』，我左邊面先最靚，咁支持你條短片拍唔到我左面，我咪話刪囉。」
    揭克勤阿倫係咪霸
    Cally續說：「我亦要爆克勤同譚詠麟啲料，其實我最怕同克勤、阿倫唱K，佢哋兩個係咪霸，真係等咪等到火都嚟，永遠唔放低畀人嘅！不過我都明，佢兩個心中唱歌嗰團火真係勁到爆先會咁樣。」
    克勤即說不敢再跟Cally爭咪，讓Cally獨唱一曲，自己返入後台，Cally亦對這位細佬疼愛有加，即叮囑説：「你小心落呀，好多機關㗎，細佬。」繼而才唱出《堆積情感》，觀眾則趁機向她獻花。