成個瘦晒！露雲娜行山減肥　望再減15磅

歌手露雲娜到新城接受訪問，明顯清減不少的她表示利用了三個星期時間成功減磅，她說：「唔知瘦咗幾多磅，但都應有10幾磅，啲衫、褲都鬆晒，目標係再減多15磅。」崇尚健康減肥的她以行山及戒紅酒、澱粉質而消脂，現只食菜及肉類。她又大讚行山減肥好有效，不過卻危機處處，她說：「早前去屋企附近行山，見到成條手臂咁粗嘅蛇，我老公立即叫我唔好跑，慢慢行，但我真係好驚蛇，連四腳蛇都驚，我聽聞啲蛇會捐廁所，所以叫老公去完廁所一定要閂厠所板。」又好冧自爆老公陪她一齊減食和運動減肥。

問她可接受節食減肥法？她抗拒說曾試過節食減肥，每日只食麥片及蘋果，但減到面青，身體變差，雖然減肥速度快，但她不會再試免傷身，亦不會接受醫學減肥。露雲娜又透露現籌備第三張唱片，並將會成立首個歌迷會，因歌迷多年來也很支持她，她又說：「我係自己覆歌迷信㗎，雖然我只識寫『露雲娜』同『我』、『你』五個中文字，但我識睇『我愛你』，我有翻譯幫我睇信，成日覆信都覆到通宵達旦！（搵助手代覆嘛？）唔得，我阿媽教落，人哋咁支持你，一定要自己覆信囉。」