簽約TVB?落選港姐伍樂怡直播返電視城

20170905
東網電視
更多新聞短片
伍樂怡入唔三甲,不過佢冇唔開心囉!

落選港姐伍樂怡(Kelly)賽前係大熱人選,可惜最終三甲不入,今日Kelly就由媽咪車佢返電視城,佢趁車程喺社交網開Live同大家傾偈,一開始已經見Kelly好陶醉咁邊坐車邊唱英文歌,佢話自己坐車坐唔定,所以開Live,佢仲話自己Live上癮!有人問佢點解唔係第一(冠軍)?Kelly話:「我都唔知點解,可能我冇呢個台型。」

Kelly透露返電視城原因:「媽咪車緊我去電視城,選完之後第一次返去,今日有通知,但唔知係咩。」有網民直接問佢會唔會簽約TVB?Kelly話:「呢個問題幾好,我唔知呀,睇之後嘅路點行啦。」佢話落選冇唔開心,落選當晚返到屋企仲同屋企人慶祝完成賽事,又話知道有好多人支持同鼓勵佢。網民見佢咁鍾意唱歌,問佢決賽當晚點解唔表演唱歌,佢笑住話唱歌好大壓力。

之後Kelly同大家分享好多自己嘅嘢,佢話自己唔係混血兒,係喺加拿大出世嘅香港人,佢好細個已經返嚟香港讀書,小學五年班再返加拿大,直至2016年先回流香港工作,佢話自己有興趣拍旅行片,帶大家去睇世界。