謝凱榮林詠倫投資6位數開跳舞學校做老闆

20170906
東網電視
更多新聞短片
今次真係夢想成真。
組合EO2的Eric(謝凱榮)與E-kids的Alan(林詠倫)多年前於TVB做舞蹈藝員時已認識,兩人一直希望開設屬於自己的舞蹈學校,直至今年五月,有老闆打本給他們於海怡半島開舞蹈學校,終於令兩人夢想成真!Eric與Alan表示這次各自亦有投資6位數,並分別擔任校長及舞蹈總監,他們會將過去由TVB到做歌手所學過的舞台演出技巧傳授給新一代小朋友,更會為他們提供演出的機會:「會同大型主題樂園合作,希望幫小朋友攞演出經驗,又會有慈善表演嘅騷。」
Eric幫家長分辨小朋友性格
Eric坦言教跳舞比做藝人更容易有滿足感:「教學生你用幾多分力,啲學生真係可以畀番咁多分嘅力你,唔同做藝人,EO2試過有一個騷係好用力做,但一粒掌聲都冇,教跳舞就好實在囉!」他主要教成人班及小朋友班,他表示雖然小朋友難控制,但他喜歡這個挑戰:「我哋有3至5歲嘅體驗班,啲小朋友有唔同嘅性格,可以睇到邊個內儉或者活躍啲,就可以同番啲家長講,6至11歲嗰啲就會有自己思維,定啲。」
Alan自封師奶殺手
Alan指E-kids解散後曾自覺一無事處,經Eric開導後,才嘗試放下過去的身份去教跳舞:「我都係靠自己勞力啫!」又指現時主要負責教OL及已婚太太,並搞笑自封是「師奶殺手」。今年初訂婚的他坦言未婚妻看到他勤力賺錢非常安慰,他亦希望令對方有更好的生活:「依家出咗糧都畀一半佢同埋屋企人,以前E-kids收入唔穩定,依家穩定就要報答父母。」講到舞蹈學校的未來發展,兩人表示希望能開多幾間分店:「都計劃喺九龍嗰邊開,但settle好間主店先,同埋都想進軍內地。」
場地:Dance House