靚靚廢柴論　張智霖唔認係廢柴

藝人張智霖（Chilam）出席品牌活動，他表示品牌有父子裝可以考慮與囝囝張慕童（魔童）一同穿着，又指平時踢波或新年時都有穿過父子裝，但就覺得穿家庭裝會尷尬。

一隻狗搞到家變

提到早前為老婆袁詠儀（靚靚）慶生？Chilam表示：「幾個月前度出嚟，係要食飯，但冇話要大肆慶祝，係突然食飯飲茶，同朋友好好慶祝。（送咩禮物畀佢？）冇，年中送過耳環畀佢，今次佢冇要求（禮物），長大咗。」他更透露早前生日，靚靚送了隻松鼠狗作為他的生日禮物，他笑言因此而家變：「出事，我本身有一隻狗，佢面臨崩潰，接受唔到有新成員，情緒低落，叫佢都想離開，但我會令佢康復。」

提到靚靚在節目中發表「四條廢柴愛打牌」言論，話Chilam與朋友去玩的藉口好廢，他笑說：「係有兩個原因，終極豪情之夜、凱旋歸來，因為朋友出埠得一日，我都要歡迎佢。我哋玩之餘都好努力工作，並唔係佢口中講咁廢，我哋真男人玩得又做得。」

避談城城做老竇

有傳郭富城太太方媛於本月一日誕下女兒，身為好友的Chilam避談，更一度想扯開話題，被問到郭富城是否已回港？他說：「唔知，各有各忙。（買咗BB女衫未？）唔知你講乜，問小美好啲。（最近有冇去醫院探BB？）最近拍戲，日日忙開工。突然之間好熱添！（好朋友做爸爸會唔會戥佢開心？）當然，我近排身邊好多朋友做爸爸。（近排？9月1日？）多咗好多朋友。」

------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/s69vpm