名人：陳漢驄投資八位數創手機程式

玩具大王蔡志明千金蔡加怡及老公陳漢驄（Jeremy）出席自家手機應用程式發布會。Jeremy表示籌備了一年多，概念源自混合從小喜歡打機的想法，去建立一個年青人適合的平台直接跟所有人溝通，創立香港第一個雙人直播。他坦言現時沒有再打機，問到是否要做好榜樣，他說：「想專注自己事業，都有打機成分，對上次打機已經係太太佗BB嗰時。（畀唔畀小朋友玩手機？）都有畀，依家科技進步都唔會話唔畀年青人玩，但唔想佢哋倚賴，倚賴同當係工具好大分別。」

蔡加怡表示會控制三歲女兒玩手機的時間，一日會分配30至45分鐘看有興趣的影片，問到從中發掘囡囡甚麼潛能，她說：「佢鍾意作歌，有時聽到啲歌會記得，記性好好，同埋好鍾意睇書同聽人講故事書。」二人表示現時就讀K2的女兒已經有很多功課。

Jeremy透露投資八位數字創立手機程式，問有信心回本？他說：「回本好難講，網上生意要投資大，都希望愈快愈好。（怕唔怕競爭大？）我覺得大家唔同Idea，想有獨特性。出面好多都係單人，所以我哋玩法同模式都唔同。」