破天荒拍古代床戏　定欣马浚伟肉帛相见

艺人胡定欣接受马浚伟电台节目访问，将于9月9日生日的定欣更获对方准备惊喜，送上蛋糕及锡她面珠与她预祝生日。受访时，他们表示事前没有商讨过会在节目中谈甚么，但马浚伟指自己亦有做资料搜集：“睇到佢嘅一堆名单……我指剧集名单，我哋得一套剧集合作过，就系2012年《当旺爸爸》，但我哋冇对手戏，嗰时唔熟，冇倾过偈，有净系记得次撞正佢生日，我就送咗只熊啤啤畀佢。”定欣坦言当时有被吓一跳。两人谓直至去年拍摄《深宫计》时才熟络，但马浚伟透露当时仍不知道定欣过去的情史：“我直至今次做Research一Click先知！”定欣即笑说：“我都冇乜唔畀得人知。”

同定欣做夫妻

马浚伟表示与定欣真正合作后，觉得对方是新一代演员的标准，又承诺将来有机会会再找她合作。而定欣提到拍《深宫计》时，与马浚伟没有深谈过应如何塑造出夫妻的感觉：“我哋系做好自己嘅嘢先，先再去磨合，我睇个画面嘅时候会觉得我哋真系一对夫妻咁。”马浚伟即笑说：“我开头净系担心会唔会变咗阿哥同细妹，好在我都Keep得到！”定欣亦笑谓：“我系好好衬㗎！”

唔畀剧照流出

两人透露剧中会有甜蜜到漏的场面，亦会有破天荒的古代床戏，定欣说：“我哋有场床上嘅亲热戏，真系肉帛相见嘅，佢冇着嘅衫，但梳紧古装头，佢嗰日影咗张剧照再畀番我睇，我叫佢呢张相千祈唔好流出去，我有啲接受唔到。”马浚伟则解释说：“嗰张相坦白讲系靓嘅，我又用背脊遮住晒佢，但嗰张相个意境好似真系有啲事情发生紧，好似个过程咁，但系靓嘅。”他又笑谓已将照片删除，但电脑有备份。