區瑞強拒絕做經理人：唔想不歡而散

歌手區瑞強（Albert）出席《天使在身邊》記者會，他透露特意為這本書與歌手詠詩創作一首歌，自己負責填詞，詠詩負責作曲，Albert大讚詠詩擁有天使的聲音，是可遇不可求的歌手：「佢唔係想做歌手，係想做出色嘅人，佢係我partner（拍檔），一齊做演唱會同電台，佢和音同作曲都好好，8年前睇住佢成長，我唱歌40年，遇過好多靚聲，佢係天使之音，把聲係我心中第一，要不斷實戰得到經驗。」

問是否常栽培新人？Albert說：「唔係，但好多人想跟我學唱歌，可惜冇辦法滿足佢哋，要睇目標係乜，要做歌星出名嘅好難去栽培，因為係靠自己，可遇不可求，我唔係做經理人，我做唱片公司幾十年，唔係做培養星夢。」

用另類方式栽培人材

問會否想做經理人？Albert坦言唔鍾意做：「要做30年前都做咗，好怕，唔係呢個材料，要為歌手收入犧牲，自己都唔願意去做，為佢都做唔到，唔係唔得，係自己唔選擇，做經理人係商業嘅嘢，好多不為人知嘅嘢，好難做。咁多年樂壇有幾多個屹立不倒受人尊崇（歌手），數得出，最後好多都不歡而散，我自己係藝人，唔係只講好說話，我依家另一方面栽培，畀機會合唱，教唱歌，香港唱歌幾十年嘅歌手都係要歷練同經驗。」