28歲生日 劉佩玥自嘲似舊「叉燒」

20170909
東網電視
更多新聞短片
劉佩玥28歲生日啦!
藝人劉佩玥、張文慈(Pinky)及馬德鐘等,雲集溜冰場,拍攝無綫新劇《跳躍生命線》救人場面。於9月9日過28歲生日的劉佩玥心情非常好,與馬德鐘研究如何慶生。受訪時劉佩玥笑說:「由細到大我都唔係好慶祝生日嘅,生日一定同家人過,恭喜父母生咗舊『叉燒』,今年都唔例外,但額外會同個同月同日生嘅好朋友搞個小型派對,何雁詩曾提議玩Cosplay,但我都冇時間準備。(收咗生日禮物?)原來女仔都會妒忌,有女朋友鬥快傳短訊同我講生日快樂,個個都想爭『第一』。」
戲中扮演專業救護員的馬德鐘,攀山涉水拍攝救人場面:「嗰日好熱,我哋幾十人由朝拍到天黑,仲要行上山再攀石拍攝,有工作人員中暑。之前又拍咗打風有人去睇浪、我哋去救人嘅戲,有好深刻嘅體會,市民真係唔應該為一己之快,最終要勞師動眾咁求援。」同場的Pinky則大受溜冰場小朋友的歡迎,紛紛邀她合照,又請她食朱古力。