BB有晒反應　楊洛婷孖半裸Tim影大肚寫真

懷孕差不多九個月的楊洛婷（Rabeea）與老公Dear Jane主音Tim，找著名Boudoir（法式閨房）攝影師Hilary Chan操刀拍攝了一輯性感大肚寫真。Rabeea稱大肚寫真影了兩個小時，全部以內衣上陣，她表示可以說是她影過最性感的寫真。

Tim做定push up谷胸肌

問到會否感尷尬？她說：「都冇尷尬，我哋係全女班，反而我老公會尷尬囉，因為佢要喺咁多女仔面前除衫，佢即時做push up。（有冇諗過影全裸？）有，不過攝影師覺得冇咁嘅需要，反而Tim係上身全裸。之前我一直都好想影啲性感嘅相送畀Tim，不過未有機會，所以今次好難得可以當大肚相一次過影。（影相時BB有冇反應？）有呀，因為我哋全程都播住音樂，咁BB一聽到音樂佢嘅動作都好大。」原定九月尾預產期的她指應該會提早分娩：「醫生話BB位置已經好低，所以我隨時生得㗎喇，我已經執晒嘢隨時可以走佬。最近瞓得麻麻哋，因為BB壓住個肺有時抖唔到氣，只係可以打側瞓，不過都會每兩個鐘起一次身。好期待呀，我好想見到BB個樣。」

工作忙碌要抽時間照顧老婆

而Tim為了拍攝這輯照片他也有很努力Keep fit，不過他非常了解自己只是這輯大肚照的人型布景板，老婆才是真正主角。Tim表示自己在9月的工作非常忙碌，既要錄新歌，又要執導Dear Jane的全新MV，加上又有電影工作，真的很少時間在家，但只要一有時間必然會回家照顧老婆。