做師奶廿年 區海倫復出:唔會重組Echo

20170911
東網電視
更多新聞短片
區海倫話已經有十幾、廿年未有為節目演出喇!
前歌手區海倫晚上在將軍澳電視城為節目《流行經典50年》擔任錄影嘉賓。區海倫當年參加新秀歌唱比賽入行,後來與歌手李蕙敏組成二人女子組合Echo,但婚後卻慢慢淡出娛樂圈。
區海倫接受訪問表示已經有十幾、廿年未有為節目演出,對上一次表演是為慈善節目唱歌,她說:「大會好有誠意邀請,個仔又啱啱中學開咗學,依家冇咁忙。之前都有練歌,心情仲好緊張,尋晚緊張到瞓唔着,驚唔記得歌詞。」
淡出樂壇多年的區海倫坦言還有歌癮,平時會在浴室哼歌,亦有為慈善活動唱歌,她坦言兒子已經長大所以她有較多空餘時間,也會認真考慮是否推出發燒唱片。問到會否重組Echo,她笑說:「唔會,咁老仲重組畀人拆台,你估草蜢咁犀利咩,佢哋就真係長青喇。」