勁低調！楊斯雅結婚酒店房簽字就算

藝人楊斯雅（Cindy）接受電台訪問，將於年底除夕夜與拍拖多年的藝人男友陳光耀拉埋天窗，由於兩人原定訂好於尖沙咀法定古蹟1881內的酒店海利公館及餐廳舉行婚宴，但因酒店租約問題更換經營者，酒店及餐廳結業，Cindy說：「佢哋賠番訂畀我，同時賠多20%畀我哋添。」她坦言已另覓新場地：「搵咗金鐘一間酒店，真係好好彩，原本場地只容納80人，依家嗰場可以有120人，價錢又一樣，其實係賺咗。」

Cindy坦言今年犯太歲，故要與男友結婚沖喜，她說：「奶奶拜觀音，求籤時話我今年會結婚，蘇民峰又話今年唔結就分。」並透露原本沒打算印帖，Cindy說：「奶奶話冇誠意，我哋唔係大搞，只係請好朋友同家人食自助餐。（冇請圈中人？）只有林穎彤，我圈中朋友唔多。」問到婚宴會否邀請傳媒採訪？Cindy說：「應該唔會喇，冇接新娘、冇兄弟姊妹團，好簡單咁擺酒，中午喺酒店房搵律師簽字。」