請大胸索女做見習生 杜汶澤fb喪晒命!

20170912
東網電視
更多新聞短片
留名等食花生。

藝人杜汶澤今晚喺社交網上載幾張女人相,但相中人並唔係太太田蕊妮,而係一名擁有健康膚色嘅性感少女,佢分別着住低胸小背心同比堅尼,令豐滿上圍呼之欲出,另一張相就露出成大個背脊,真係好Hot呀!

阿澤仲好大膽咁留言話:「啱啱請咗人,嚟我公司做見習生,返十二點收十二點,你地(哋)覺得佢個款,似唔似做得嘢呢?」網民睇到呢幾張相,即刻好踴躍留言話:「我等睇杜太留言!」而林敏驄更加好抵死咁留言話:「體檢左(咗)未?」留名等睇杜太回應呀!

靚女樣靚身材又正,全能嘅網民好快就起咗佢底!原來呢位靚女叫楊浩兒,英文名叫Manchester,因為佢係曼聯忠實球迷!再睇番佢ig,見佢平時都好鍾意晒身材,比堅尼相、性感相樣樣齊呀!