張智霖為新片增肥素顏演的哥
藝人古天樂、張智霖(Chilam)、蔡卓妍(Sa)、林家棟等主演的驚慄電影《常在你左右》下月上映,Chilam今次在片中飾演一名的士司機,因一次交通意外引來牽然大波,導致多人傷亡。其中一幕講述他在車禍後入住阿Sa開設的度假屋,但卻遇上一宗又一宗的房客自殺事件,Chilam更助阿Sa將林家棟肢解再棄屍大海。

Chilam表示角色性格是思想負面,所以演繹時都有點難度:「我未做過的士司機嘅角色,而電影中車禍後有一種贖罪的心態,最難演繹係我並唔係經常帶住罪惡感嘅人,我比較正面,好灰暗嘅一面係要好用心去諗出嚟。」他更一度為角色積極增肥:「我眼見世界各地嘅的士司機都唔會fit到有六舊腹肌,因為坐得多,通常有個肚腩,所以增肥符合角色,第一係職業,同埋呢個人唔可以sharp,所以係一滴化妝都冇,盡量搞到個狀態似角色。」