金剛借錢度日　蕊蕊：佢冇問過我借錢！

藝人蕊蕊與金剛於2013年拍拖，至2016年分手，蕊蕊接受東網電話訪問，承認2014至2015年期間金剛的工作量不多，她說：「佢嗰陣經濟狀況的確唔係幾好，大家都知道嗰陣成個娛樂圈都少咗活動，咁佢係少咗工作量。」當時二人夾份租屋同居，但蕊蕊強調租金一人一半：「佢冇問過我借錢，不過大家一齊住，有啲嘢我負擔到咪我負擔囉，唔會吓吓要佢畀晒，嗰陣我哋都成日留喺屋企煮飯。」

而曾與金剛合作節目《街坊廚神》的「無綫咪神」張秀文說：「識佢嗰陣好似已經明朗化（指經濟上），有聽佢講過工作唔係幾順利，冇講到好深入，要借錢度日呢啲真係唔知，見佢之後事業慢慢有起色，多咗好多唔同嘅機會。」