安德尊提議新一代搞飲食生意

20170913
東網電視
更多新聞短片
安德尊表示曾經投資過餐廳,但因沙士而執笠。
藝人安德尊(大王)出席餐廳活動。問有否投資飲食生意?他說:「冇啦!飲食難做,以前十幾年前就有,不過執晒!(點解執晒?)SARS之後都執得七七八八。(唔打算再開?)冇啦!依家租貴。(有冇人搵你合作?)有!不過唔合作,去睇吓咪算。(用你名囉?)仲衰!我個名已經夠衰,仲有排衰。」
他坦言現時飲食生意適合留給新一輩去做:「我拍咁多飲食節目新興嘅嘢太多,做得好豐盛。同埋新一代嘅想法好多,配搭都好豐富。(仲會唔會做飲食節目?)有咪做,但冇,依家咁多『馬家開飯』,同埋依家畀鼎爺(李家鼎)壟斷市場,冇辦法去拍、食、做同講,佢所有嘢一個人做晒,再講佢揼我都似。」