關之琳55歲生日飯局　雷莊?都有份！

9月24日係大美人關之琳（之之）55歲生日，雖然近來佢忙於拍攝內地綜藝節目《我們來了2》，但向來圈中人緣甚佳嘅之之已經預先獲得一班好友同佢慶生。

之之喺社交網分享慶生飯局照片，留言：「謝謝你們的驚喜，感恩有你們的每一天love you all@蔡卓妍@KathyChow周汶錡。」相中見到有蔡卓妍（阿Sa）、周汶錡同鍾鎮濤三名女兒等出席，再睇真啲張相，原來連出爐港姐冠軍雷莊?都有份出席喎！而佢哋唔單止預備咗個蛋糕，仲有一束好靚嘅鮮花送畀之之，一班好友咁有心思，難怪之之笑得咁開心啦！網友亦大讚之之保養得宜，果然係美魔女呀！