黎美言投資6位數搞運動學校

藝人黎美言（Winkie）出席電台訪問，近年成為了泰拳老師的她表示要多謝身邊有很多貴人出現，鼓勵她轉型，令她踏出這一步，又透露初時只是租場地開班，現時有意擴充自己的運動學校：「初初打《G-1格鬥會》係想挑戰自己，之後考咗泰拳牌，再開泰拳學校，依家擴充埋教跳舞，學生都愈嚟愈多，會自己去睇吓場地、裝修，又要睇成本，完全係另一個領域嚟，好得意。」

自己一腳踢

她認為過去做藝人習慣被人照顧，現時想自己獨立一點，但她坦言不會放棄幕前工作，近日亦有去海外演出及拍打戲：「依家一腳踢，當係個鍛煉，遲早都要為人母親，要照顧小朋友啦。」又指很開心大家會稱她做打拳的Winkie，而不只是HotCha的Winkie：「要多謝個節目，有人睇咗節目先嚟上我堂，又話好支持我，值嘅。」

諸葛紫岐係伯樂

而Winkie透露成立學校的初期只需支付公司登記費及租場錢，成本不高所以很快回本，但現時要再投資6位數出來，希望能於半年內在跑馬地或銅鑼灣開學校。問到可會叫老闆娘諸葛紫岐投資或給意見？她坦言老闆娘一定會支持她，但她希望先鞏固好自己的網絡：「有時同佢下午茶都會同佢講點搵錢，佢都好肯教我，係我嘅伯樂。」講到目標，她表示希望她的運動學校可以回饋社會：「我哋會做義教嘅，唔好講錢住，最緊要建立好個品牌形象先。」