似王敏奕？王雯空肚拍MV拍到見暈

樂壇新人王雯（Nuna）日前為新歌《應該分開嗎》拍攝MV，被途人誤以為是曾國祥女朋友王敏奕，不過Nuna沒辦法回應：「當日好熱，我又冇食早餐，淨係飲咗一杯齋啡，拍嗰時好頭暈，結果要休息30分鐘。」32歲的她坦言年紀唔輕，能夠達成夢想已覺得人生無憾無悔：「我嘅願望係入娛樂圈帶歡樂畀大家，所以嚟緊嘅歌曲風格會係搞笑路線，當然亦都會唱吓情歌。」她透露公司為自己度身訂造了一首洗腦歌，因此最近積極練舞：「10月尾會出一首認真又騎呢嘅快歌，舞蹈會令人有好深刻嘅印象。萬聖節前夕會同一班舞蹈員做街頭快閃，希望大家支持。」