溫碧霞憑「海潮」奪獎　恨再拍劇創經典

美魔女溫碧霞（Irene）日前到北京出席《2017亞洲影響力盛典》，會上獲頒發「最佳經典影視劇女演員」獎項，以表揚Irene在1992年的經典電視劇《火玫瑰》中飾演「海潮」一角依然火紅至今，相隔25年仍令觀眾印象深刻，而最厲害是台上領獎時的她與劇中的「海潮」完全沒變樣。

Irene得獎後興奮得攬住獎座不放，笑說：「呢個獎對我係非常大鼓勵，我一定會更加努力，拍更多更經典嘅角色畀大家睇，攞咗呢個獎，令我又掛住電視觀眾。（會唔會復出拍劇？）想呀，想再拍番個經典劇，不同歷程拍不同嘅經典劇，唔錯呀！」

Irene日前再在泰國舉行的《第二屆文化交流與經貿合作頒奬典禮》獲頒「傑出貢獻獎」，一星期內連奪兩個充滿意義的榮譽，她計劃要慶祝一下：「會呀！一定會！回港會同家人慶祝，仲要約三十多年來一直支持我、鼓勵我、幫助我嘅一班好朋友開香檳慶祝，我真係好開心！我真係好感恩！」