似同老婆再行禮 孫耀威:唔係又恭喜嘛!

20170917
東網電視
更多新聞短片
孫耀威同太太陳美詩行騷。

歌手孫耀威(Eric)與太太陳美詩(Macy)到尖沙咀為Eric創辦的禮服,以及婚紗訂製工房舉行首次婚紗禮服Showcase,Eric除了演唱多首歌曲,又與Macy擔任模特兒,兩公婆一齊着婚紗禮服,似足再行禮,場面Sweet爆!受訪時,Eric笑說大家看不到後台的一腳踢,他要搬飯盒、搬婚紗、燙衫和吸塵,Macy就幫女模特兒換衫,Eric說:「我哋喺後台,啲女仔一入嚟,我就即刻接住條裙,驚整污糟個尾,每一件都好貴。(你唔係幫女仔換衫?)我想嘅,我幫猛男囉。」他指同事、媽媽和妹妹都有幫手,妹妹的兒子示範童裝,妹夫就幫他換衫:「好好玩,一個家庭做一件事。(兩夫妻再做一次騷?)唔好啦,頭先啲人講恭喜晒,我話唔係再恭喜多次嘛。」

終於有門生意唔蝕錢

提到自家男裝品牌做了一年,Eric笑言終於做了一門不用蝕錢的生意,很開心推出婚紗系列,第三間店裝修完會試業,並於年底正式開張,Eric指這次投資比前兩間少:「好難計,因為好多資源都同頭兩間舖共用,冇咁大使,明白一闊三大。新舖都係300幾呎,喺同一個商場,員工可以兩邊調配。」至於Macy身上的婚紗由Eric設計,他親手把蝴蝶逐隻釘上去,笑言做夢都見到蝴蝶飛,但很開心造到一條很漂亮的裙:「做咗男裝之後令我發覺自己有無限創意,想發表多啲我嘅設計,愈做愈開心同有火花。我着過我嘅作品上無綫節目,啲客人即刻買。唱歌我試過曲、詞、編、監,衫都做埋就好正。」問Macy會否想老公為自己設計其他衣服?她坦言想,因為女生都需要很多漂亮的Party Dress和晚禮服,他們會陸續推出自己的系列。Eric讚太太的身材像公仔:「我用公仔個身材去造(婚紗),造完先發覺公仔都幾勁吓,笠落去就OK,反而Macy條腰仲瘦啲,仲Fit過個公仔。」

到谷底再反彈

談到內地的藝術紅酒生意,Eric指開頭蝕了很多錢:「不過未埋單,仲做緊,每支紅酒都由個法國設計師畫好靚嘅畫上去,不過佢前年過咗身,之後好多人搶佢啲酒,因為冇啦。」他自言本來冇心繼續做,已身心疲累,但現在覺得絕處逢生,到了谷底又反彈。


---------------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://goo.gl/kx5KLB