倪晨曦仙氣襲時裝騷　孖吳亦凡合照集郵

模特兒倪晨曦（Elva）近日應品牌之邀前往倫敦參與當地時裝周，為隆重其事，Elva準備了三大個行李箱出發，她表示：「今次帶咗十幾套衫，鞋都有差唔多十對，呢幾日要不斷咁睇騷同拍片。」時裝騷當日，Elva以閃亮的金屬系化妝，配上仙氣十足的全白長褲套裝，感覺溫柔之餘又帶點型格，她在席上還遇上歌手馬天佑，兩人更興奮自拍。

另外，同場還有韓國組合Winner成員Mino及Hoony、內地歌手吳亦凡、女星周冬雨、超模Cara Delevingne、Kate Moss及Naomi Campbell等，星光熠熠。Elva見到吳亦凡時亦化身小粉絲，爭取機會與他合照，她笑言：「我都有留意《中國有嘻哈》，你有freestyle嗎？哈哈。」

而Elva飛往倫敦當日，當地剛發生地鐵爆炸，Elva祝願傷者盡快康復，自己會盡量小心，工作以外會避免出入人多地方。