46歲江美儀升Cup　收7位數做豐胸代言

就快46歲嘅藝人江美儀身穿一身黑色sports bra，於將軍澳邵氏影城為代言的豐胸專門店拍攝廣告，大晒事業線。而大會亦送上生日蛋糕，預祝她本周三的生日。

賣靚唔賣線

江美儀表示今次首次擔任該品牌的代言人，更獲7位數字酬勞，又謂與老闆娘見面時有如一見如故，經常分享事情，二人猶如閨密。提到她以性感造型拍攝廣告，美儀笑說：「我哋係賣靚，唔係賣事業線。（男友吳君祥見到會唔會詐型？）佢都有幫手一齊傾。」

唔再送情人節禮物

美儀表示剛與李居明從日本回港，明日便要出發到馬來西亞五天，與滕麗名、宋熙年等拍攝《姊妹淘》，會在當地度過本周三的生日，又謂男友不會同行：「佢喺北京，所以未有表示，可能到正日先會收到禮物，不過其實都冇所謂啦！不過有一年情人節我送朱古力放喺床送畀佢，佢扮唔知冇講多謝，所以我都決定唔送。」她又透露上圍已升Cup至32、33B，胸型亦變靚。