圓夢出歌!李明蔚病情惡化再度入院

20170917
東網電視
更多新聞短片
加油呀!
現年28歲的抗癌歌手李明蔚(Sarena)於2012年不幸患上罕見的腺樣囊性癌,令其歌唱事業被迫叫停。雖然患上癌症,亦進行過4次電療和30多次化療,令其聲帶和鼻腔亦有影響,需要重新練習怎樣咬字發聲,但她從來沒有怨天尤人,反而更加樂觀勇敢面對自己的病。
出現面癱
Sarena夢想是想做歌手,近日她終於推出其第一首歌《交換愛情》,成功圓夢,藝人馬浚偉的公司更出錢出力幫她出歌。可惜她近日情況再度惡化,需要入院治療。問到現在健康狀況?Sarena就以短訊回覆表示:「因為上個月就流咗好多鼻血,差啲抖唔到氣,就入咗醫院喺喉嚨開咗個窿抖氣,但遲啲可以封番,所以依家就講唔到嘢住。而我個腫瘤仲喺度,但暫時都做唔到咩治療住,會嘗試中醫先,希望可以令身體強壯啲。不過最近嘅後遺症就係面部三叉神經痛,所以就出現面癱,有時要食止痛藥。」而現在Sarena已回家休養。問到Sarena能夠推出的自己的歌,心情如何?她表示:「我感到好感動,依家有自己嘅歌,做到歌手,完成夢想真係好開心!而我呢首歌係講愛情,當中都有一啲我對愛情嘅睇法,即使面對伴侶嘅唔專一,都可以堅強咁面對!」
周嘉莉行動支持老友
而身為Sarena的好友周嘉莉指與對方相識八年,大讚對方非常堅強:「由我入行前,大家做part time model已經識,互相經歷過好多嘢,我睇住佢由健康到患病,我都一直陪住佢,佢真係好叻,雖然我名氣唔高,但我會用行動支持佢,希望用我有限嘅人力物力為佢宣傳新歌,完成佢夢想!」