求婚片曝光！李晨愛的承諾冧爆范冰冰

內地男星李晨喺女友范冰冰36歲嘅生日派對上求婚成功，同時冰冰喺生日當日成為金雞影后，愛情事業兩得意，真係人生勝利組！

雖然李晨主動喺微博公告求婚成功嘅喜訊，但係未有講到整個過程，今日內地瘋傳一段派對嘅短片，見到李晨先後拖住冰冰同埋準外母即係范冰冰媽媽。期間李晨話自己認識冰冰同佢家人，係好有褔氣外，又話求婚時心跳加速跳到180，仲話：「剛才的一切是我最美好的一刻，我希望未來的人生路，我們一起牽手並肩，一起走下去。」

至於準外母見到未來女婿當然甜到入心，話自己多咗李晨呢個仔非常開心之餘，不忘當場叮囑李晨同冰冰：「希望你將來好好照顧冰冰。冰冰，你必須好好體貼李晨。希望你們能夠相互幫助，心連心手挽手，兩個人共同風雨兼程的走下去。」范媽媽一席話，令冰冰感動非常，在視頻中見佢不斷用手抹臉，感動到喊！