黃奕晨認同吳麗珠合作有壓力：驚佢報寸

藝人吳麗珠與夏雨之子黃奕晨（Dixon）拍攝ViuTV劇集《未來還未來》，與夏雨老友鬼鬼的吳麗珠，不時向Dixon分享昔日片場往事：「我同夏記（夏雨）真係好老友，一陣要同Dixon影張相傳畀佢睇！（怕唔怕Dixon緊張成日NG？）呢個要睇佢有冇天分啦，我都做過新人，呢啲要經驗累積嘅！」吳麗珠目前接劇過戲癮，所有角色都想演：「我試過上午做個好惡麵檔老闆，下午就要做上市公司主席，真係咩角色都做，呢啲就係拍戲嘅過癮之處！」。

Dixon就話同吳麗珠拍戲緊張，怕自己NG多會被「報寸」：「其實珠姐姐好好人，仲同我講番當年爸爸拍節目往事！有前輩係度我都打醒十二分精神，早一個星期開始做功課入戲！」