感謝冼國林提攜！阮頌揚被推薦爭新人獎

影壇新人阮頌揚（Brian）參演慈善電影《我們的6E班》，該片將於9月21日上映，適逢月底就是Brian的生日，所以他的一班好友及家人齊齊出錢包場觀睇好戲，送了一份很有意義的生日禮物給他。Brian謂：「呢份禮物會係咁多年嚟最難忘嘅一份，由細到大都好想入行拍電影，今年可以同咁多位好朋友同屋企人一齊見證銀幕上嘅自己，真係發夢都冇諗過！」

包場請教授睇戲

由於電影首映禮當日Brian要到內地開工，令他錯過了這個重要的日子，不過，Brian覺得今次包場，跟首映禮一樣有意義：「呢場放映，我當係個人首映會，好開心、好多謝大家。」

放映會當晚，Brian邀請自己每個成長階段都好重要的人出席，當中包括中、小學同學 入行之後認識的導演、化妝師、髮型師、贊助商與粉絲，他謂：「因為呢部係一部校園片，所以特別邀請咗好多中小學老師，仲有大學professor（教授）嚟睇！讀書嗰陣，老師真係畀咗好多機會我，所以永遠唔會忘記咁多位嘅教導，第一次拍嘅電影作品希望畀大家欣賞，仲話希望老師們睇完呢套勵志校園片可以為大家打打氣！」

師傅對我有信心

Brian今次在電影中的演出，絕不像一個新人，連師傅冼國林都揚言有意提名他角逐電影頒獎禮新人獎。對此，Brian深表感激，並謂：「好多謝公司老闆兼導演冼國林同埋冼太羅寶兒教導，多謝佢哋對我嘅信心，相信我可以演一個咁有挑戰性嘅中學生角色，亦多謝佢哋圓咗我初次拍電影嘅夢。」