曹永廉入院做手术　黄智贤：变性呀？

艺人曹永廉自从16年夺得无綫台庆颁奖礼的“最佳男配角”后，就工作不断，先系拍摄《超时空男臣》跟住就拍《大帅哥》，又要主持节目《流行经典50年》忙到咁，难怪挨出病喇！今早阿廉就喺微博上载咗两张喺医院嘅相，一张喺佢瞓喺病床，另一张就影住自己嘅手插住静脉注射，然后佢留言话：“刚做完一个小手术，一切正常，休息两天继续工作。”好友陈法蓉及网友等纷纷送上问候，不过最搞笑都系黄智贤嘅“关心”，佢留言话：“甚么手术呀？隆胸？抽脂？增高？定变性呀？非常担心你！保重身体呀！”

东网搵到曹永廉接受访问，佢终于肯透露病情，他说：“脚上有几粒啫喱瘤，因劳损喺筋腱生出嚟！因为有两粒较大粒，有啲痛同会引致脚痹，所以做个小手术割咗佢！冇大问题，因为都接咗好多活动，又要为节目录影，之后好快会复工！”