【智商都係20歲】麥家琪格鬥遮「峰」頭

ViuTV節目《G-1格鬥會II》的八位參賽者麥家琪、張可義、余智嘉、麥紫莉、馬倩宜、梁婉微、何慈茵及蔡嘉燕到日本進行格鬥訓練。明天更將舉行兩場賽事，包括麥家琪對張可義，余智嘉對麥紫莉。

眾人在教練指導下練習摔技，原先八位女生都運動背心及長褲練習，但當教練要求他們分組練習時，麥家琪就穿上風褸，笑指要讓大家將重點放在摔技上！

麥家琪被問到明天比賽可有信心？她說：「我都有運動開嘅，我自己打泰拳都有上擂台，但係就有啲摔技嘅動作唔熟識，呢啲就要挑戰！」被問到是否了解對手的背景？她笑謂：「我淨係見到佢兩隻腳瘀晒囉！因為佢練嗰啲防摔技巧，我自己就平常心咁打，要睇番當時嘅狀態，對手同埋招架！」更笑指以前老公播放關於格鬥的短片時，自己會說：「黐線㗎咩！會痛㗎嘛，但係依家ViuTV搵我就覺得好好玩，即刻應承，係挑戰自己！」

她又直言自己並不喜歡巴西柔術，喜歡MMA，被問可會擔心拳怕少壯？她笑指：「睬過你呀，我唔係大好多啫，智商都係20歲！」至於老公可有擔心她受傷？她說：「有叫我小心啲，都驚我整親，好彩我哋唔係專業！」又指麥紫莉較慘，因她的對手余智嘉很強，直言：「我見到都會調頭走，我哋衷心祝福佢！」