首戰即受傷 麥紫莉瞓地爆喊:我起唔到身
20170921
東網電視
更多新聞短片
![](/hk/bkn/cnt/entertainment/20170921/photo/bkn-20170921124434355-0921_00862_001_01p.jpg?20170921173639)
睇見都覺得痛呀!
ViuTV節目《G-1格鬥會II》八位參賽者遠赴日本接受格鬥訓練,今早眾參賽者於日本進行兩場MMA比賽,首場是麥家琪對張可義,次場是余智嘉(Chika)對麥紫莉(Chili)。當中余智嘉對麥紫莉的比賽發生意外,麥紫莉在第二回合被對方以Arm Bar鎖實,動彈不得,最後無奈投降,評判其後叫她起身,她即嚎哭並大叫「我起唔到身,好痛,膝頭好痛!」其後教練為她脫腳套及受傷的左腳敷冰,佢一直大喊,由於Chili受傷及已投降,賽事隨即結束!
Chika本身是健身教練,而且學過MMA及泰拳,二人的體重差6公斤,Chika比Chili重足足14磅!首回合開始時,二人先猜拳試探對方實力,但未幾Chili已畀對方打落地再鎖實,不過Chili奮力抗戰,即使動彈不得,但仍然堅持到首回合結束。
第二回合開始時,Chika明顯開始發力,第二回合開始後不足廿秒已經將Chili打落地又再鎖實,更成功將對方用Arm bar鎖實,Chili起初堅持下去,但其他隊友都見她愈來愈辛苦,紛紛叫她投降,未幾Chili拍地投降,就一直無法起身指左腳膝蓋好痛。
教練為她敷冰後,期間有4位女工作人員打算把她抬起,不過她一直嚎哭並大喊唔得再次瞓番落地。不過由於賽事結束,場地亦需要交場,故所有人都要離開,攝製隊只好再作嘗試將Chili安全地移至後台。
由於未知Chili情況,ViuTV回應指:「麥紫莉(Chili)於今日拍攝《G-1格鬥會 II》比賽期間受傷,ViuTV為安全起見,已立即送她到就近醫院接受檢查。有進一步消息,ViuTV會稍後公布!」