馮盈盈谷出小山丘　晒線香香慘敗

無綫新劇《果欄中的江湖大嫂》演員黃浩然、岑麗香（香香）、馮盈盈、楊明及在荃灣麗都灣泳灘拍攝打沙灘排球外景。香香與馮盈盈以沙灘裝示人齊齊騷「事業線」及晒長腿，相當搶鏡。香香與馮盈盈表示最近因忙於拍劇也少有機會去沙灘玩，馮盈盈笑說：「今個夏天好多朋友去遊船河，因為自己好忙所以都冇乜機會去。」香香則笑說：「應該劇情寫一場遊船河畀我哋玩吖嘛。」而本身不懂打排球的馮盈盈拍攝時要變身排球高手，拍攝起來有一定難度。

帶棒球棍去沙灘嚇親人

岑麗香與馮盈盈被問到過往去沙灘可有被人跟蹤、偷窺的不快遭遇？香香笑說：「去沙灘都會同朋友，咁樣會安全啲。自己選擇唔會留意，如果遇到啲怪人，最好嘅方法就係用奇怪嘅眼光望番佢。」馮盈盈試過帶棒球棍去沙灘，她笑說：「對付監視最好嘅方法就係反監視，?番佢轉頭，唔好蝕底，不過我都未試過。自己淨係試過帶枝棒球棍去長洲沙灘玩扑西瓜，啲人見到枝棍唔敢行埋嚟，我哋有食番個西瓜㗎，哈哈。」

香香着性感衫唔使老公過目

香香與馮盈盈原來已經有一段時間沒有着泳裝，問到香香可要先讓老公強強過目？她笑說：「平時我出去拍嘢都係着三點式，今日已經唔性感，其實有時泳裝唔係一定性感，亦都可以係運動型同埋健康。」馮盈盈笑謂：「可能香香係同強強講今日着得唔性感，冇乜嘢好睇。」馮盈盈亦表示事前亦有讓男友看過今日的服飾。