邱晴18歲晒母女合照 激似兩姊妹!

20170921
東網電視
更多新聞短片
邱晴18歲大個女喇!而今次嘅重點就係佢嘅媽媽!

今屆香港小姐真係話題多多,不過除咗冠、亞、季軍外,相信大家都仲記得有位17歲嘅佳麗邱晴,賽前好多人都讚佢青春活潑笑容可恭,樣貌標緻但可惜同獎項無緣!唔經唔覺,邱晴大個女18歲喇!

佢喺社交網上載咗兩張同媽咪嘅合照,仲留言多謝媽咪18年前帶佢嚟到呢個世界,佢留言話「18年前的這段時間 辛苦你了媽咪我愛你1999.09.14」。睇番張合照,橫睇掂睇佢哋兩個似兩姊妹多過兩母女!邱媽媽長得美人胚子,眼仔大大,輪廓分明,真係有其母必有其女,邱晴盡得真傳,兩個仲着住露膊裝上陣成對孖妹咁,有網民話不如兩母女一齊殺入娛樂圈發展添。