愈嚟愈有默契!陳展鵬讚單文柔識講嘢

20170921
東網電視
更多新聞短片
陳展鵬又話係同堆喎,擺明同單文柔隔空耍花槍。
藝人陳展鵬與無綫劇集《同盟》一眾演員,晚上在將軍澳電視城為劇集舉行「祝捷晚宴」,晚宴筵開十席,慶祝劇集大結局7日跨平台總收視錄得31.8點,即有約207萬觀眾捧場。
陳展鵬對劇集收視感到非常滿意,他說:「多謝鍾意賽馬嘅朋友,喺大結局捨棄咗星期三嘅賽馬,因為每逢星期三收視都會跌兩三點,所以呢個都係奇迹嚟。」被問到與胡定欣再合作會唔會覺得悶,他說:「唔悶,好對手好難遇到,好似鄭少秋、汪明荃合作幾十年,又演唱會又拍劇,係觀眾畀嘅肯定。」
對於被指與單文柔同居,他笑說:「佢答得好好,我哋係同區唔係同居。」被問到是否佢教單文柔答,他說:「唔係,我邊有咁聰明,我就回佢一句,我哋同堆,唔係同居,如果咁都話係同居都幾大件事。」被追問拖手一事,他說:「其實好多嘢前答過晒,大家可以睇番之前嘅答案,就可以答到大家。」陳展鵬承認單文柔有見過媽咪,問到單文柔是否融入陳家,他說:「唔係,我唔係請菲傭,菲傭就話融入家中。」對於戀情發展,陳展鵬話:「有好消息會通知大家。」記者問好消息係宣布拍拖定結婚?他說:「唔知,嗰日覺得開心或者遇到咩咪同大家傾吓囉。」被問到是否有因為戀情唔開心,他說:「唔係,成年都問同一問題,我都要諗吓有咩新嘢畀大家寫。」