激罕拍打戲 孫耀威爆手指骨忍痛照埋位

20170922
東網電視
更多新聞短片
孫耀威真係好專業!

藝人孫耀威與葉芷如主演冼國林執導的作品《我們的6E班》中飾演老師,負責照顧背景不同的問題學生,孫耀威直言面對一眾小演員時,令他回想以前讀書時刻,會考奪5A的他是娛圈中的優異生,不過他就自爆自己是問題學生,他說:「試過係學校打爆玻璃,老師揀班長一定唔會揀我!」他又笑指電影由冼國林執導,豈會沒有動作戲,鮮拍打戲的他,被安排要連打五、六招,更不小心被椅子打到爆手指骨!他說:「拍完去睇醫生,醫生話要時間休息,都冇諗過會受傷!」葉芷如則指對方敬業,埋位時會忍痛除下固定器去拍攝!

而葉芷如投身娛圈前就是一名剛畢業的學生,直言今次做老師角色感覺特別,被問以前是否乖學生?她說:「係扮乖嗰啲,喺老師面前好似好乖咁,唔敢唔交功課嗰隻!」首次拍戲就擔任女一的她直言緊張,幸得孫耀威親自指點,她說:「有時做得唔好,佢會做一次畀我睇,落手落腳教我點做。」孫耀威亦大讚芷如聰明,進步得很快!

孫耀威服裝:tuxee.co
孫耀威髮型:Sunny Yu@Hair Culture
孫耀威化妝:江中平化妝室
場地:美麗華酒店