曹格囡囡萌到爆Mon　7歲仲係咁Cute！

馬來西亞歌手曹格（Gary）同太太吳速玲結婚9年，育有一對仔女曹三豐（Joe）同曹華恩（Grace），人仔細細嘅Joe同Grace憑內地真人騷《爸爸去哪兒》第二季而爆紅。今日吳速玲就喺社交網站上載咗一段Grace細個嘅影片，並留言：「我的小可愛明天要7歲了～要從女娃兒變成女孩囉！#birthdaygirl #吳速玲 #媽咪速玲」

片中可見，眼仔睩睩嘅Grace一副天然呆嘅表情望住鏡頭，真係萌到爆！當Grace一聽到爸爸叫佢做一個可憐嘅樣，Grace就立即小演員上身，皺眉頭兼扮喊，認真搞笑。之後Gary再問佢拜託嘅表情係點樣時，Grace合起雙手之餘，仲嘟起個嘴仔，作為爸爸嘅Gary見到囡囡表情咁可愛，都忍唔住笑咗出嚟。唔少網友都大讚Grace好可愛，亦有人話時間過得真快，唔經唔覺Grace就已經7歲。