佗B七個月!31歲賴慰玲低調簽字結婚

20170923
東網電視
更多新聞短片
賴慰玲透露尋日已經簽字結婚喇!
現年31歲嘅賴慰玲(Winki)與舞台劇演員男友梁子峰拍拖5年,今年7月8日生日當天仲突然喺網上報喜,公開懷孕嘅消息,而兩人亦於8月28日入紙申請結婚,雙喜臨門!由於賴慰玲現時佗B七個月,腹大便便嘅佢就話婚禮唔會大搞,打算同屋企人簡單食餐飯,估唔到尋日兩人低調簽字結婚,正式結為夫婦。
榮升梁太嘅賴慰玲啱啱喺社交網宣布好消息,仲上載咗三張簽字結婚嘅花絮照,相中着上禮服嘅兩人簽字後頭貼頭合照,另一張相佢哋就十指緊扣,Sweet到爆!賴慰玲仲冧爆留言話:「餘生請你指教。」佢又透露:「昨天,在家人的見證和歡樂的氣氛下我們結婚了!So Blessed」而佢嘅好姊妹陳嘉寶(Anjaylia)、蔡思貝及陳瀅都有在場見證,Anjaylia仲喺Instagram晒相,叫Winki永遠幸福咁話!
而同Winki喺無綫劇《殭》合作過嘅鄭嘉穎都有在場,佢仲慈父上身抱住小朋友,唔知女友陳凱琳有冇去到呢?Cheronna就話自己身處泰國,呻見證唔到呢個時刻。
----------------------------
東網巨星開咗ig喇,大家快啲follow啦!