教陳奕迅講俄文 Ansheles唔敢開班教學

20170924
東網電視
更多新聞短片
俄仔Ansheles(右)早前教陳奕迅講俄文,但佢笑言唔會開班教學喇!
俄仔Ansheles出席活動,與在場小朋友用Lego砌成的忍者飛鏢進行挑戰:「睇落好似好易,但其實好難。」問到會否為電影配音,他笑言:「如果我配音就冇人睇,因為冇人明,所以一定唔會搵我配。」他表示自小很喜歡玩Lego:「玩呢樣嘢可以令想像力更加豐富,畀啲material你自己諗咩就砌咩。(自己砌過啲咩?)通常都砌屋,因為我老竇係建築師,我都會跟住佢整啲屋出嚟。但我整出嚟嘅成品成日跌,老竇就叫我唔好得罪啲建築師。」他又坦言不喜歡砌一大盒裝的Lego,因為比較複雜,形容自己是喜歡想像的小朋友。
Ansheles日前在節目中教陳奕迅(Eason)講俄文,問會否將來開班教學,他說:「冇呀,本身唔太鍾意教語言或其他嘢,因為自己唔太叻,我覺得夠叻先教到人,嗰次見到Eason都好開心。」他透露明天會起程到日本工作:「去忍者嘅Hometown拍嘢,我啱啱都拍完劇,未知有冇其他角色,希望會有啦。」