周秀娜32D咪咪不見了?網民:得番棚骨

20170924
東網電視
更多新聞短片
周秀娜瘦到皮包骨咁,網民都留言話佢得番棚骨喇!

藝人周秀娜(Chrissie)近期雖然忙於拍攝電影,但係佢都不忘抽時間去旅行減壓。近日佢就同友人一齊去咗峇里島度假,不時喺社交網站上載靚相,搞到一班網民都大叫好想去呀!

Chrissie今日就出海享受釣魚樂,雖然佢都有釣到魚,不過就唔夠朋友嗰條大條,佢留言話「蚊脾(髀)同牛脾(髀)」相中可見,Chrissie身穿粉紅色泳衣,大晒32D「胸器」,而且仲拎住佢嘅戰利品笑晒口咁望住鏡頭,睇嚟真係玩得好開心!

不過唔少網民都將焦點放咗喺佢嘅身材度,個個留言話「好瘦」、「瘦到得番棚骨」,事關Chrissie瘦到見骨,大家都好擔心佢嘅身體狀況,亦有人搞笑話依家Chrissie咁瘦,佢嘅驕人上圍會唔會跟住縮水呀?