首屆健美小姐冠軍馬清儀因病離世

無綫於1985年首次舉辦的健美小姐選舉，由當時32歲的馬清儀奪得冠軍，今日刊登的訃聞，指馬清儀於本月7日在嘉諾撒醫院因病離世，終年64歲，並已於本月18日出殯。

當年跟馬清儀同屆參選健美小姐的梅小惠，聽到消息大感愕然，並謂：「OH My God！佢係一個我好尊敬人，我人生最難忘嘅一個階段，係佢同我一齊過，因為當年我選健美小姐，我係同佢分埋同一組，當時我乜都唔識，係佢教咗我好多嘢，之後，做演員，因為大家戲路唔同，比較少接觸，之後知道去佢咗外國定居，佢係一個好有禮貌、好有修養嘅人，聽到呢個消息真係好sad，希望佢屋企人節哀順變，亦希望佢喺天堂有更美好嘅生活。」對於當年健美小姐賽果的糾爭，梅小惠表示：「遊戲一場。就算輸咗都未必等如零，我落選都有咁多機會發展。比賽只係一個起跑器，跑唔跑得出同可以跑幾耐，最終都係掌握係自己手上。馬清儀喺我心目中 一直都係一個由始至終值得攞冠軍嘅人嚟。」

馬清儀以32歲高齡奪冠，卻爆出內定之說，亞軍林河廷得知賽果後更在台上淚如雨下，之後更舉行記者會表明放棄亞軍名銜以及其所得的獎金獎品，並會返回瑞士繼續升學。而冠軍馬清儀事後接受訪問時表示問心無愧。