許文軒街頭busking　小肥都想唱埋一份

無綫娛樂台主播許文軒（Edmond）、潘盈慧及駱胤鳴組成組合「隨時唱」，不時於網上演唱娛賓，早前應好友林子博之邀，齊齊拉隊「上街」，於銅鑼灣鬧市Jam歌，想不到外界反應熱烈。文軒開心表示﹕「我哋平時喺室內唱多，今次子博叫到，竟然諗都冇諗就答應，不過答應之後都有啲瞓唔著，因為心情興奮嘛。落實咗之後呢幾日都有落雨，我哋就擔心要取消，估唔到最終天公造美，畀我哋順利演出。」

文軒更感恩謂﹕「起初都驚冇人睇，我哋喺社交平台呼籲大家現身支持，估唔到真係有人企足個幾鐘，等到我哋唱完先走，最搞笑係有隻狗仔都圍埋嚟，不過現場路邊有好多『小強』，嚇到女生大叫，下次再演出要考慮吓衛生問題。」身為好友兼歌手的小肥聞得文軒等有如此搞作，即致電文軒傾談「合作」﹕「我哋依家夾緊期，睇吓幾時再『上街』囉。」