入行十年捱出頭！詠詩10月開個唱多星撐

擔任和音兼鍵琴手的歌手詠詩（Vincie），入行十年終於有機會踏上舞台開個唱擔任主角，將於10月13及14日在伊館舉行《Vincie詠詩演唱會》。近日忙於排練的她接受專訪時透露：「邀請咗十幾位殿堂級歌手擔任嘉賓，有黎瑞恩、杜麗莎同夏韶聲等。」

詠詩表示經常到黎瑞恩家中作客，最愛跟這位前輩合唱經典歌。對於杜麗莎予人很Mean的感覺，詠詩代為平反：「佢好愛錫後輩，會主動提議用視像睇我練歌。」問到如何報答一班巨星「Sing」援？詠詩說：「就係做好呢個演唱會嚟報答佢哋！我唔係出名，喺我身上得唔到乜利益，但佢哋反而嚟幫我，唔可以令佢哋失望。」

提到她為慈善書《原來天使在身邊》演唱同名歌曲，詠詩表示該書是由50位名人、藝人、運動員及政界人士分享在人生低谷時遇上「天使」的故事，該首歌將收錄在新碟，演唱會期間限量發售，而日前其恩師區瑞強就出席慈善書的記者會。