同森美鬥大 咪神高海寧都嗌投降

20170927
東網電視
更多新聞短片
有咩好鬥呢?

演員方力申、蘇麗珊、高海寧、袁文傑、莊思敏等晚上在奧海城出席首映禮。高海寧騷纖腰亮相,她透露早前為無綫與森美、黃心穎到日本拍攝旅遊節目兩星期大吃魚生增磅不少,當然還去「血併」入貨,她笑說:「今次旅程真係賺咁多使咁多。」

食辣嘔一餐

身為無綫「咪神」的高海寧今次面對操到一身爆肌的森美,竟然要認輸,她笑說:「之前大家講笑話鬥大,結果係佢贏,我真係認輸,佢操到好弗、好大隻,同佢去浸溫泉,我係浸喺水裏面,佢就喺水上面扮大隻。」嗜辣的高海寧今次試了一碗極辣的拉麵,辣到她嘴腫兼胃痛,最後還辣到嘔了一頓。

第一次畀仔打

高海寧在片中除了狂摑方力申19巴,原來也捱了方力申一巴重擊,她笑說:「我摑佢嗰19巴就借位拍,佢摑我嗰一巴就好堅、好響,自己都係第一次畀男仔打,所以印象好深,摑完塊面腫咗,仲不停標眼淚,情願導演cut我場咀戲,都唔好cut呢場被摑戲。」