吳業坤自掏荷包買飛 陳慧敏唔識還人情

20170928
東網電視
更多新聞短片
陳慧敏首次喺香港開騷,好友吳業坤自掏腰包買10張飛!

歌手陳慧敏將於11月1日在旺角麥花臣場館舉行香港首個售票演唱會,特別找來著名演唱會監製康家俊擔任創作總監,RubberBand的阿偉擔任音樂總監。康家俊表示:「外界初認識慧敏時,總會覺得佢係『傻傻哋』、好欺負,加上同陳惠敏撞名,所以森美當年就稱呼佢做『慧敏哥』。依家新朋友都會將佢當做傻瓜,有時甚至睇唔起佢,但佢內裏係充滿能量,喺依家變幻莫測嘅時代,好似佢呢類唔怕死,亦唔會將自己睇得好大嘅人先可以屹立不倒,所以演唱會就用咗『我們叫傻瓜』呢個主題。」

對於首次在香港開唱,陳慧敏十分興奮,她說:「好多朋友都仗義幫忙,出心又出力,例如許廷鏗、林欣彤、小肥同李拾壹,佢哋知道我第一次喺香港開騷,仲緊張過我,畀好多建議我,令我好溫暖。鄧小巧又第一時間話會嚟捧場,吳業坤又自掏腰包買10張飛,呢啲人情真係唔知點還,特別係坤坤,佢曾經開騷,知道過程有幾吃力,所以佢話會加大力度支持我,好感動。」

而日前她為演唱會主題曲《我們叫傻瓜》拍攝MV,當日其實是颱風天鴿來臨前的一天,氣溫高達37度,但她無懼酷熱天氣,與一班舞蹈員到大坳門及清水灣取景!她更特地帶同朱古力讓大家充飢,但想不到未食已經全部溶掉。而在大坳門拍攝時,雖然現場充滿牛屎的味道,但她都沒想太多,按導演要求瞓在草地上,認真專業。