孖小鮮肉做節目 25歲麥明詩都要認out

20170929
東網電視
更多新聞短片
25歲都有代溝……
「十優港姐」麥明詩、馮盈盈、陸浩明與一班KOL主持的節目《後生仔傾吓偈》,兩位女主持說話夠貼地大膽,話題貼近年輕人,節目甚受年輕一代歡迎。
有代溝接唔到軌
麥明詩最近與KOL包括林正峰(楓)、鄧家禮(Vincent)、孔德賢(Danny)及周程宇(Vitas)等一起接受訪問,雖然麥明詩只得25歲,卻說與一班後生仔有代溝,她笑說:「同佢哋冇隔膜,但係就有代溝,佢哋用嘅詞彙我開始接唔到軌,佢哋大學講嘅詞彙可能興兩三年,過咗兩三年再講就out,我都out out哋!」Vincent在一班KOL中年紀最大,自言也有代溝問題,有時惟有點頭扮明白。
點名讚林正峰夠放
節目看點是一班主持像朋友般肆無忌憚地「吹水」,麥明詩說:「佢哋太保守,搞到好似淨係得我同馮盈盈爆自己啲嘢咁,可能佢哋啱啱做節目,仲適應緊,我兩年前入行比佢哋拘謹十倍,驚唔知邊啲講得,影響到身邊人,唔講又好似冇嘢帶到畀觀眾,依家就識得平衡,知道講到邊個位。」眾KOL笑謂多得馮盈盈與麥明詩說話夠爆,令他們感覺輕鬆。首次正式做節目的麥明詩,開心有平台可以做回自己:「做戲唔係做自己,我都講得好放,好彩有馮盈盈喺度,我講咩都唔會係最爆、又唔會過度,哈哈。」
要數KOL中的男仔代表,她即數「鹹濕仔」林正峰:「藝人最緊要有一個定位,識撈就定位得好好。佢最放,之前竟然夠膽喺台上面拖張秀文,真係叻仔!」楓即笑說:「都係想搞吓氣氛啫!」
----------------------------
東網巨星開咗ig喇,大家快啲follow啦!