好有緣！程芷渝溫哥華登台遇故知勁開心

人生有四大喜事，其中之一就係他鄉還故知，藝人程芷渝（Milla）早前去溫哥華做嘢，竟然撞到幾位香港藝人朋友包括彭皓鋒、范振鋒同李思欣，真係好有緣分！

話說Milla自己一個人去溫哥華登台，表演完之後竟然撞到喺當地拍緊戲嘅李思欣同范振鋒，仲有就係去攞獎嘅彭皓鋒，雖然大家都好忙，咁啱喺溫哥華撞到即刻抽時間出嚟一齊去唱K慶祝，Milla話：「撞到嗰一刻真係好開心，完全冇諗過他鄉遇故知，大家難得聚埋，專登推遲工作都要約去唱K慶祝吓，最開心係唱K時竟然係溫哥華都搵到自己嘅歌，真係好開心。」