同寶詠琴姊弟戀 洪朝豐自揭性史最爆

20171001
東網電視
更多新聞短片
洪朝豐與寶詠琴嘅一段情非常經典!而呢句「我係潮州怒漢,我一隻手指捽死佢!」亦令人印象深刻!
前DJ洪朝豐今年57歲,1983年開始做主持工作,佢嘅節目《精裝名人錄》、《靈機一觸洪朝豐》及《日月星辰》為人熟悉,去到1997年佢過檔新城電台,有指年薪高達七位數字!
向寶詠琴追討一百萬
講到佢嘅戀情,最爆一定係同寶詠琴嘅一段情!喺1998年,寶詠琴接受洪朝豐訪問,之後兩人撻着,寶詠琴比洪朝豐大6年,呢段姊弟戀就夠晒轟動。而佢哋亦愛得相當調,成日一齊拍拖睇歌劇,仲當眾錫錫!
但呢段姊弟戀維持得唔耐,好快佢哋11個月情就玩完,分手之後洪朝豐隔空開火,仲爆出金句:「我係潮州怒漢,我一隻手指捽死佢!」洪朝豐仲向寶詠琴追討一百萬,當中包括性服務費,仲大爆同寶詠琴之間嘅性史,令人嘩然!之後佢哋曾經復合,但最後都係分手收場。
患鬱躁症唔敢停藥
去到2017年2月,曾患鬱躁症嘅洪朝豐接受東網訪問,佢話試過停藥,之後搞到一年內鬱躁症復發入院,要接受強迫性治療,喺醫院隔離病房住咗22日,佢話:「我唔想再一次停藥,因為喺我生命裏面經唔起再一次病發,每一次病發對我嚟講係破壞性好強嘅悲劇,最恐怖係人人覺得你有病,但佢覺得係人哋有病,對一個唔知自己有病嘅人,你要佢接受治療係好困難。」