蘇麗珊着中學時代泳衣　網友笑唔識發育

新一代女神蘇麗珊（Cecilia）憑一頭清爽短髮同甜美笑容俘虜唔少宅男嘅心，向來走開清純路線嘅佢今日竟然罕有地上載水着相，令一班網民不知幾興奮！雖然佢只係着住一件頭泳衣，坐喺泳池邊舉V，但網民已經好開心，係咁留言讚佢Fit，仲話佢素顏都一樣咁可愛！

而Cecilia自己亦有留言：「還在穿中學時買的泳衣。」、「每次著（着）返（番）都有點暗爽唔知點解。」原來Cecilia由中學到依家都一樣咁Fit㗎，但有網民就笑Cecilia中學開始就停止發育，Cecilia就好搞笑咁覆番對方：「早早就停止長高的朋友。」