32A麥貝夷取隆胸經恨升兩Cup

歌手麥貝夷出席隆胸活動，上圍僅得32A的她透露早前被結他手男友陳樂恒，將她與馬來西亞女星林明禎身材比較，粉絲也有與社交平台留言講意見，令她認為是時候正視問題，故特別前來取經，了解隆胸新科技。

問到是否有考慮隆胸？麥貝夷謂：「了解吓先，有啲憂慮，我思想傳統嘛，又驚痛。（男友畀？）我冇話畀佢知。（想畀驚喜？）佢第一日識我已經知我係咩料子，接受我全部，我對佢有信心。（你鍾意大胸？）太強勁唔啱我，會腰骨痛，升兩Cup就夠啦，平時我都會用矯型內衣令自己豐滿啲！」