由直變攣!吳綺莉爆卓林同男仔拍過拖

20171006
東網電視
更多新聞短片
Elaine話無論卓林選擇如何,永遠都係咁愛個女~

單親媽媽吳綺莉(Elaine)與女兒吳卓林近年關係時好時壞,月前卓林輟學離家出走與外籍同性密友Andi同居,剪了一頭剷青短髮的卓林前日在網誌公開「出櫃」並說:「I'm gay!」

身為母親的Elaine接受東網訪問,問到有否察覺卓林自小的性取向?她說:「佢係我一路湊大,以前佢係有同男仔拍過拖。(意外?)又唔算,近呢一年佢成日同呢個人(Andi)玩,出雙入對,我都意識到。(得一個女,會唔會擔心?)唔緊要,無論佢變成點,外形唔緊要,最緊要安全同身體健康,作為父母就好感恩。(你兩個有冇就呢件事傾過?)冇,唔需要啦!佢安全就得,支持同尊重佢。」

會否覺得是因為關心不夠?她說:「呢啲嘢唔關單親家庭事,係性格問題,我自己都係單親家庭,幾歲就好獨立,自己照顧自己,但卓林好需要愛,要人陪,前幾年我返TVB拍劇,半夜返唔到屋企,佢係唔敢自己去廁所,而呢個人出現,24小時喺度講我愛你,佢自然好接受。」

「交租要自己負責」

對於卓林與Andi沒有固定工作和收入,經常頻撲搬家,Elaine表示每個星期給予卓林900元零用錢,夠她用膳及交通:「屋企大門係隨時為佢開。至於佢冇錢交租,都要為自己負責,好似佢最近有返Office工,幫人執相。」要跟女兒分開住,Elaine心情當然鬱悶,但仍要逼自己習慣,平時會畫畫減壓,最近亦靠頌缽抒發情緒:「早晚都做,敲個盆之後發出嘅聲音同共震,會化解身體內嘅不快感覺,心情會開朗番啲。」而公關鄭紹康亦上載與卓林合照,鄭紹康表示由細睇到卓林大,今次專程約她食飯,慰問一番,他說:「佢心情冇受影響,好開朗,餐飯食咗幾個鐘,大家有講有笑,好開心。」據知,卓林同性密友Andi亦在場。

此外,Elaine好友黎淑賢跟她補祝生日,黎淑賢還把照片上載微博,並祝好友開心快樂!

----------------------------
東網巨星開咗ig喇,大家快啲follow啦!
https://goo.gl/KGuo2N